Kuatiahai, pukoe ha telekuérape ningo ojekuaa ambue ñane ñe’ême Medios Masivos de Comunicaciónpe. Ko’ãga oike avei ñane retãme maranduhára pyahu hérava internet. Ko mba’e rupi hetaiterei marandu ikatu jahu-pyty ha ñaikuave’ê. Héra péicha o§uahêgui heta tapichápe. Ikatu marandu, ñekuãve’ê, pukarã, mombe’u gua’u, térã ambue mba’e vy’arã.

Mba’érepa tekotevê jaikuaa porã mba’épa añetehápe ko maranduhára rembiaporã. Tekotevê jahecha porã jahávo mba’éichagua pu’akápa oguereko ñande rekovére ko’ã mba’e ñande apytépe.

Ymave ningo mitãrusu ha mitakuñakuéra heta mba’e ojapo pe ára pukukue: oñombyaty oñembojaru, vakapîpopo omuña, omoñe’ê kuatia hamba’e. Upéicha okakuaa ka’aguy, tape térã korapýrupi hapichakuéra ndive, oñondivepa. Upérô tekove upéicha ombo’e ichupekuéra oiko ha§ua yvypóra háicha. Ko’á§a katu hetave ára ohasa ohendúvo pukoe térã ohechávo téle, ha mbeguekatúpe oheja ohóvo umi yma oiko haguéicha: sa’íma ojehe’a hapichakuérandive. Ko’á§a oñomongeta télepe térã pukoépe ohecha ha ohenduva’ekuere.

Ko’á§a ojekuaahína mitãrusu ha mitãkuña oîha mbohapy ha irundy aravo peve ku téle renondépe térã pukoe ohendu-hápe. He’i umi oikuaáva, upéicha oikóramo mitãrusu ha mitãkuña ikatu ome’ê’ive kuatiahai, oñemongetakuaa’ive hapichándive, sa’ive iñe’êndy ha ikatúma avei osê ojahéi ambuére. Kuaaukahára ningo ikatu ome’ê ñandéve heta marandu ha ñanembokatupyryve jehekombo’épe. Jahecha ha ñahendu rasáramo ikatu avei ñanemoate’ÿve jeheko-mbo’épe.

• Umi marandu térã ñekuave’ê piko peichaite ñamokôva’erã térãpa ñahesa’ÿijova’erã, mba’érepa.
• Mba’éichava’erãpa ñande rekove ogapýpe ani ñandepykua maranduhára.
• Mba’érepa marandu tekotevê he’i añeteguánte.
• Mba’éichapa ombyai che rekove ahendu ha ha’éramo japu.
• Osêpa japu maranduhárape. Mba’érepa.